काठमाडौं । नोभेल कोरोना भाइरसका २८८ संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार २८८ कोरोना संक्रमित थपिएका छन् । मंगलबार थपिएका कोरोना संक्रमितमध्ये २७० पुरुष रहेका छन् भने १८ जना महिला रहेका छन् ।
उनका अनुसार धुलिखेल अस्पतालको प्रयोगशालामा गरिएको परीक्षणमा ३८ जनाको रिपोर्ट पोजेटिभ आएको छ । उनीहरु सबै रौतहटका जिल्लाका परोहा, गौर, राजदेवी नगरपालिका र यमुनामाई गाउँपालिका रहेका छन् । जसमा एक जना ८ वर्षीया बालिकासहित १३ देखि ६० वर्षका अन्य पुरुष छन् ।
पोखरा जनस्वास्थ्य प्रयोगशालामा गरिएको परीक्षणमा १० जनामा कोरोना पोजेटिभ देखिएको छ । स्याङ्जा चापाकोटका ५ जना क्वारेन्टाइनमा रहेका पुरुष रहेका छन् । उनीहरु १० देखि ४० वर्षका रहेका छन् । फलेबास महाशिला क्वारेन्टाइनमा रहेका ५ जना रहेका छन् । उनीहरु ९ देखि ४० वर्ष उमेर समुहका पुरुष रहेका छन् ।
विपि कोइराला स्वास्थ्य विज्ञान प्रतिष्ठानमा गरिएको परीक्षणमा एक जना सप्तरी रामगण्डका २० वर्षका पुरुषमा कोरोना पोजेटिभ देखिएको मन्त्रालयले जनाएको छ ।
भेरी अस्पतालको प्रयोगशालामा गरिएको परीक्षणमा २० जनामा कोरोना पोजेटिभ देखिएको छ । जसमा बर्दिया गुलेरियाका ३ जना २० देखि ३४ वर्षका पुरुष,बाँके खजुरा नगरपालिका नरैनापुर र राप्ति सुनारी गाउँपालिका १७ जना पुरुष रहेका छन् उनीहरु १७ देखि ४५ वर्ष उमेर समुहका रहेका छन् ।
त्यसैगरी, सुर्खेतको प्रयोगशालामा गरिएको परीक्षणमा ६४ जनाको कोरोना पोजेटिभ देखिएको छ । जसमा सुर्खेत विरेन्द्रनगर,लेकवेसी ,कञ्चपुरी र भेरीगंगाका २७ जना रहेका छन् । जसमा ८ वर्षकी बालिकासहित २ महिला र ४ वर्षका बालक सहित ६१ वर्षसम्मका २४ जना पुरुष रहेका छन् ।
दैलेखको नारायण नगपालिका,चामुन्डाबिन्दा र नौमुले गाउँपालिका ९ जनाको कोरोना पोजेटिभ देखिएको छ । उनीहरु १७ देखि ३१ वर्ष उमेरका पुरुष रहेका छन् यस्तै,सल्यानमा थप १८ जनाको रिपोर्ट पोजेटिभ आएको छ । वनगाड कुपिण्डे नगरपालिका र दार्मा गाउँपालिकाका उनीहरु १७ देखि ५० वर्ष पुरुष रहेका छन् । अछाम मंगलसेन नगरपालिका र चौरपाटीका १० जना संक्रमित थपिएका छन् । उनीहरु २७ र ३० वर्षका दुई महिला रहेका छन् भने अन्य २२ देखि ४० वर्षका पुरुष रहेका छन् ।
हेटौडा किटजन्य रोग केन्द्रमा गरिएको परीक्षणमा १ जनामा बारा देवतालाका १८ वर्षका पुरुषमा कोरोना पोजेटिभ देखिएको छ ।
राप्ति स्वास्थ्य विज्ञानप्रतिष्ठानमा गरिएको परीक्षणमा दाङ बंगलाचुली नगरपालिका ,राप्ति गाउँपालिका र घोराही उपमहानगरपालिका १७ जनामा कोरोना पोजेटिभ आएको छ । ११ बर्षकी बालिकासहित ४५ वर्षसम्मका २ महिला रहेका छन् । भने १८ देखि ५५ वर्षका १४ जना पुरुष रहेका छन् । स्र्वगद्धारी नगरपालिका प्युठानका एक जना ५९ वर्षका पुरुषमा पनि कोरोना संक्रमण देखिएको छ । यो जिल्ला थप नयाँ थपिएको छ ।
सेती अस्पतालको प्रयोगशालामा गरिएको परीक्षणमा १८ जनामा कोरोना पोजेटिभ आएको छ । जसमा पुर्नवास नगरपालिका १० जनामध्ये पुर्नवासको क्वारेन्टाइनमा रहेका ८ जना पुरुष रहेका छन् । उनीहरु २८ देखि ५० वर्षका पुरुष रहेका छन् ।
कैलालीको टिकापुर नगपालिका र गौरिगंगा गाउपालिका,राजिवपुर क्वारेन्टाइनमा रहेका १० जना रहेका छन् । उनीहरु १८ वर्षकी एक महिला देखिएको छ ।भने अन्य ९ जना २० देखि ६५ वर्ष उमेर समुहका पुरुष रहेका छन् ।
यसैगरी, राष्ट्रिय जनस्वास्थ्य प्रयोगशाला, टेकुमा गरिएको परीक्षणमा १ सय १८ जनाको कोरोना पोजेटिभ देखिएको छ । जसमा हंशपुर,धैवकीगंगगुली ६ जना पुरुष १५ देखि ५४ वर्षका पुरुष रहेका छन् । महोत्तरीमा रामगोपालपुरका दुई जना २४ र ४५ वर्षका पुरुष रहेका छन्। रौतहट ३६ जनामा संक्रमण देखिएको छ । उनीहरु परोहा, राजदेवी नगरपालिका र दुर्गाभगवती गाउँपालिकाको क्वारेन्टिनमा छन् र १२ देखि ४८ वर्षका पुरुष हुन् ।
यसैगरी,सर्लाहीका २१ मा जना बलरा नगरपालिका र ब्रम्हपुरी गाउँपालिकाको क्वारेन्टाइनमा रहेका उनीहरु १३ देखि ४० वर्षका पुरुष हुन् ।
सिराहाको सूर्यनारायण सत्यनारायण मरबैता यादव बहुमुखी क्याम्पसको क्वारेन्टिनमा रहेका १७ जनाको रिपोर्ट पोजेटिभ आएको छ । उनीहरु १६ देखि ४२ वर्षका छन् ।
भक्तपुर चागुनारायणकी एक ३० वर्षीया महिलामा कोरोना संक्रमण देखिएको छ ।
त्यसैगरी, धादिङकी २३ वर्षकी महिलामा पनि कोरोना पुष्टि भएको छ । कपिलवस्तु चरौटाका १६ जनामा कोरोना संक्रमण देखिएको छ । जसमा १७ देखि ४१ वर्षका तीन जना महिला र अन्य १७ वर्षदेखि ४८ वर्षका पुरुष रहेका छन् । काठमाडौ मेडिकल कलेजका ४ जनामा कोरोना संक्रमण देखिएको छ । उनीहरु २४ देखि ३२ वर्षका महिला र २८ वर्षका पुरुष रहेका छन् ।
उनीहरु स्वास्थ्यकर्मी रहेको मन्त्रालयले जनाएको छ ।
नवलपरासी पुर्वका १६ वर्षका एक पुरुष र नवलपरासी पश्चिमका रामग्रामका२२ वर्षका पुरुष,नुवाकोटका १७ र ३२ वर्षका दुई पुरुषमा पनि कोरोना देखिएको छ ।
रुपन्देही सैयानामैनाका १० जनामा कोरोना पुष्टि भएको छ । उनीहरु १५ देखि ५१ वर्ष उमेर समुहका पुरुष रहेका छन् ।
हालसम्म कुल कोरोना संक्रमितको संख्या २ हजार ९९ पुगेको मन्त्रालयका प्रवक्ता डा. देवकोटाले जानकारी दिए । कोरोना देखिने पुरुषको संख्या १ हजार ९४९ जना र महिला १५० जना रहेका उनले जानकारी दिए ।
सोमबार कोरोना भाइरसको संक्रमण २४४ जनामा देखिएको थियो भने आज थप ४४ जना बढीमा कोरोना संक्रमण देखिएको मन्त्रालयले जनाएको छ । मन्त्रालयका अनुसार आज थप दुई जिल्लामा कोरोना संक्रमण देखिएको छ । जसमा प्युठान र पर्वत रहेका छन् । कुल कोरोना देखिने जिल्ला ६१ पुगेको छ ।
हालसम्म देशभरका ७७ मध्ये ६१ जिल्लामा कोरोना भाइरसको संक्रमण फैलिएको छ । हालसम्म कुल कोरोना संक्रमितको संख्या दुई हजार ९९ पुगेको छ।
पछिल्लो समयमा कोरोना भाइरस जित्नेको संख्या ४५ जना रहेको छ । देशभरका विभिन्न जिल्लाबाट २६६ जना कोरोना संक्रमितको उपचारपछि डिस्चार्ज गरिएका छन् । जसमा २१२ पुरुष रहेका छन् भने ५४ जना महिला रहेका छन् ।
हालसम्म देशभरका क्वारेन्टाइनमा एक लाख ४५ हजार ३७५ मानिसहरु रहेका छन् । क्वारेन्टाइनमा रहेका धेरै मानिसहरु भारतबाट आएका रहेका छन् ।
हालसम्म देशभर एक हजार ८२५ जना कोरोना संक्रमितहरुको आइसोलेसनमा राखेर उपचार भइरहेको छ ।
७५ हजार ३४३ को पीसीआर विधिबाट कोरोना परीक्षण गरिएको छ । त्यसैगरी १ लाख १६ हजर ३४५ जनाको आरडीटी परीक्षण गरिएको छ ।
