काठमाडौं । चीनको वुहानबाट संक्रमण फैलिएको कोभिड-१९ का कारण विश्वभर लाखौं मानिसहरु संक्रमित भएका छन् भने तीन लाख ४७ हजारभन्दा धेरैको मृत्यु भएको छ । 

नेपालमा पनि सरकारले लकडाउन जारी गरेको दुई महिनाभन्दा धेरै भइसकेको छ । तर, कोरोना संक्रमितको संख्या दिनानुदिन बढ्दै गएको छ ।

हालसम्म नेपालमा कोरोनाका कारण ४ जनाले ज्यान गुमाएका छन् भने ६८२ जनामा संक्रमण देखिएको छ भने ११२ जना निको भएर घर फर्किएका छन् । 

विश्वभर महामारीका रूपमा फैलिरहेको कोरोनाको संक्रमणलाई रोक्न नेपाल सरकारले लगाएको बन्दाबन्दीलाई अवज्ञा गर्दै सर्वसाधारणहरु साझ बिहान हुलका हुल वाकमा निस्किने गरेका छन् ।

सोमबार काठमाडौंको बागमती करिडोर क्षेत्रमा र तिनकुने क्षेत्रमा वाकमा निस्किएका मानिसहरु ।