विराटनगर । प्रदेश १ मा सोमबारसम्म १६ हजार ३ सय ८ जनामा कोरोना परीक्षण भएको छ ।
मुख्यमन्त्री तथा मन्त्रिपरिषद् कार्यालय मातहतको कोरोना सूचना डेस्कले जनाएअनुसार प्रदेश सरकारको पहलमा ल्याबमा गरिने (पिसीआर) विधि र द्रूत परीक्षण विधिबाट परीक्षणलाई तिव्रता दिइएको छ ।
आरडीटीबाट जम्मा ११ हजार ६६ जनाको नमूना परीक्षण गरिएकोमा ११ हजार १२ जनाको रिर्पोट नेगेटिभ आएको छ । जम्मा ५४ जनामा पोजेटिभ रिर्पोट आएको छ ।
यसैगरी पीसीआर विधिबाट जम्मा ५ हजार २ सय ४२ जनाको नमूना परीक्षण गरिएकोमा ४ हजार ७ सय ११ जनाको रिर्पोट नेगेटिभ आएको छ । पिसीआरबाट गरिएको परीक्षणमा हालसम्म ८७ जनामा रिर्पोट पोजेटिभ आएको छ ।
परीक्षणबाट कोरोना संक्रमण देखिएकाहरुको विराटनगरको कोशी कोभिड अस्पतालमा उपचार हुँदै आएको छ । ठिक भई २६ जना डिस्चार्ज भइसकेका छन् ।
यता, प्रदेश सरकारले निर्माण गरेका क्वारेन्टाइन स्थलमा बस्नेको संख्या कूल १४ सय ९८ जना रहेको छ । आइसोलेसनमा स्वास्थ्यकर्मीको निगरानीमा १७ जना छन् । होम क्वारेन्टाइनमा जम्मा ८ हजार ७ सय १९ जना बसिरहेको मुख्यमन्त्री तथा मन्त्रिपरिषद् कार्यालयले जनाएको छ ।
