काठमाडौं । जिल्ला प्रशासन कार्यालय कञ्चनपुरले सोमबारबाट औषधि उपचारबाहेकका सम्पूर्ण ब्यापार–व्यवसाय सञ्चालनमा रोक लगाउने भएको छ ।

प्रशासन कार्यालयले आइतबार बेलुकी सार्वजनिक सूचना जारी गरेर सोमबारबाट तरकारी बजार, फलफूल, खाद्यान्न पसल र बैंकहरु पूर्ण रुपमा बन्द गरिने जनाएको छ ।

प्रमुख जिल्ला अधिकारी नुरहरि खतिवडाका अनुसार स्थानीय प्रशासनले अर्को व्यवस्था नभएसम्मका लागि अत्यावश्यक औषधि उपचारबाहेकका सम्पूर्ण व्यापार, व्यवसायहरु बन्द गरिएको हो ।

यसअघि स्थानीय प्रशासनले खाद्यान्न लगायतका अत्यावश्यक सामान खरिद बिक्रीका लागि पसलहरु बिहान ५ बाट ८ बजेसम्म र बैंकहरु बिहान ११ बजेट खोल्न अनुमति दिएको थियो ।

सार्वजनिक सूचनामा आवश्यक औषधि उपचारबाहेक कुनै पनि व्यक्तिलाई सुरक्षाकर्मीको परामर्शबिना बाहिर ननिस्कन अनुरोध गरिएको छ ।