काठमाडौं । नेपाल नागरिक उडड्यन प्राधिकरणको वेबसाइट ह्याक भएको छ। भारतबाट प्राधिकरणको वेबसाईट ह्याक गरिएको हो ।

जीएच०५७_५पी३सी७०६ ट्विटर ह्यान्डलमार्फत उक्त वेबसाइट आफूले ह्याक गरेको दाबी गरेको छ । ह्याकरले लेखेको छ, "भारतीय ह्याकरको शक्ति महसुस गर्नुस् ।"

प्राधिकरणका उपमहानिर्देशक एवं प्रवक्ता राजकुमार क्षेत्रीले वेबसाइट ह्याक भएको पुष्टि गरे । वेबसाइट ह्याक गरिए पनि डाटा सुरक्षित रहेको उनले जानकारी दिए । 

"हाम्रो टेक्निकल साथीहरूले वेबसाइट ह्याक भएको पुष्टि गरेका छन्, तर हाम्रो डाटा सुरक्षित रहेको पनि उहाँहरूले बताउनु भएको छ" उनले भने । 

ह्याक भएको वेबसाईट रिभाइभ गर्न सकिने भए पनि तत्काल रिभाइभ नगरिएको प्राधिकरणका टेक्निकल कर्मचारीलाई उद्दृत गर्दै क्षेत्रीले भने, "अहिले डाउन गरेर आन्तरिक रूपमा काम गरिरहेका छौं । "