देश
काठमाडौं । सरकारले विदेशबाट आएका र कोरोना संक्रमणको आशंका लागेका व्यक्तिलाई क्वारेन्टाइनमा राख्दै आएको छ । शनिबार देशैभरका विभिन्न क्वारेन्टाइनमा ३२ हजार ५८७ जना रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा. विकास देवकोटाले सातै प्रदेशका क्वारेन्टाइनमा ३२ हजार ५८७ जना रहेको जानकारी दिए । “प्रदेश १ मा १ हजार ४६१ जना र २ मा ६ हजार ९१० जना क्वारेन्टाइनमा रहेका छन्,” उनले भने “बागमती प्रदेशमा ५३५ जना रहेका छन् ।”
त्यसैगरी, मन्त्रालयका अनुसार गण्डकी प्रदेशमा ७७९ जना, प्रदेश ५ मा १७ हजार १३०, कर्णाली प्रदेशमा १ हजार ६७० र सुदुरपश्चिम प्रदेशमा चार हजार १०२ जना क्वारेन्टाइनमा छन् ।
प्रकाशित मिति: शनिबार, जेठ १०, २०७७ १७:०४
प्रतिक्रिया दिनुहोस्