काठमाडौं । मोरङ र कञ्चनपुरमा भएका सवारी दुर्घटनामा दुईजनाको मृत्यु भएको छ । मोरङ, ग्रामथान गाउँपालिका–४ मोतिपुरस्थित सडकमा ना४त ६३७४ नम्बरको ट्याक्टरले ठक्कर दिँदा एकजनाको मृत्यु भएको हो ।

ज्यान गुमाउनेमा भारत सुपौल घर भई हाल सोही गाउँपालिका मोतिपुर बस्‍ने पंकज झाका छोरा २ वर्षीय निखिल झा छन् । ट्याक्टर र चालकलाई प्रहरीले नियन्त्रणमा लिएको छ ।

यस्तै  कञ्चनपुर, भीमदत्त नगरपालिका–७ कांङलापुल सडकमा मोटरसाइकल दुर्घटनामा परी बेतकोट नगरपालिका–३ सामादैजीका ४० वर्षीय मोहन चौधरीको मृत्यु भएको छ । उनले हाँकेको म२प ९५२७ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका चौधरीको महाकाली अस्पताल महेन्द्रनगरमा उपचारका क्रममा मृत्यु भएको हो ।