काठमाडौं । कोभिड १९ संक्रमण जोखिम कम गर्न सरकारले जारी गरेको लकडाउनको आज ५६ दिन पुगेको छ । 

गत चैत ११ देखि सरकारले लकडाउन गरेको छ । लामो समयसम्म लकडाउन हुँदा जनजीवन प्रभावित भएको छ । अत्यावश्यकबाहेकका सबै सेवा बन्द भएका छन् । देशभर संक्रमितको संख्यामा वृद्धि भएपछि सरकारले लकडाउनलाई पुनः कडाइ गरेको छ । सरकारले जेठ २० गतेसम्मका लागि लकडाउन घोषणा गरेको छ ।

सोमबार काठमाडौं उपात्यकाका विभिन्न ठाउँमा पुग्दा लकडाउनको पालना भएको पाइएको छ । सुरक्षाकर्मीले चोकचोकमा बसेर सवारीसाधनको जाँचलाई कडाइ पारेको देख्न सकिन्थ्यो । योसँगै उनीहरू स्वयंले पनि सुरक्षा सतर्कता अपनाएर काममा खटिएको देख्न सकिन्थ्यो । अत्यावश्यक सेवाबाहेकका सवारीसाधनलाई नियन्त्रणमा लिई कारबाही गरेको देखिन्छ । 

राजधानीमा कोरोना संक्रमण बढेसँगै सुरक्षा तथा यातायात व्यवस्थापनमा खटिएका ट्राफिक प्रहरीहरूलाई थप सुरक्षा सामग्री व्यवस्था मिलाइएको छ । उनीहरूलाई मास्कसँगै चस्मा र पीपीईको पनि व्यवस्थापन मिलाइएको छ । हेरौं उपत्यकाको सवारी व्यवस्थापनमा खटिएका सुरक्षाकर्मीहरूका थप तस्बिरहरु :

तस्बिर : रमेश गौतम र जीवन भाइ