काठमाडौं । सर्वोच्च अदालतले भारतबाट आयात हुने र नेपालमै उत्पादित तरकारी तथा फलफुलजन्य वस्तुको परीक्षण गरेर मात्र उपभोक्तासम्म पठाउन आदेश गरेको छ । आइतबार न्यायाधीश दीपककुमार कार्की र हरिप्रसाद फुयाँलको संयुक्त इजलासले यस्तो आदेश गरेको हो । 

उपलब्ध भएसम्मको सुविधा प्रयोग गरी परीक्षणमार्फत् भित्र्याउन र नेपालमै उत्पादित यस्ता वस्तुको परीक्षणबाट मात्रै उपभोक्तासम्म लैजान अन्तरिम आदेशमा भनिएको छ । मणिराम उपाध्यायले विदेशबाट निर्वाध तरकारी र फलफूल भित्रिएको भन्दै परीक्षणको माग गर्दै रिट दायर गरेका थिए ।