काठमाडौं । जिल्ला अदालत कास्कीका श्रेस्तेदार लोकनाथ पराजुली ३० हजार घूससहित पक्राउ परेका छन् । अख्तियार दुरुपयोग अनुसन्धान आयोको कार्यालय पोखराबाट गएको टोलीले उनलाई रंगेहात पक्राउ गरेको हो । 

अदालतमा विचाराधीन मुद्दामा नियन्त्रणमा लिएको गाडी छुटाइदिने प्रयोजनका लागि घुस मागेको सूचना पाएपछि पुगेको टोलीले पराजुलीलाई सेवाग्राहीसँग ३० हजार घुस  बापतको रकम लिइसकेको अवस्थामा नियन्त्रणमा लिएको थियो ।  

पराजुलीले संगठित अपराध, कर्तव्य ज्यान मुद्दामा दशी प्रमाणका रुपमा जिल्ला अदालत, कास्कीमा पेस भएको सेवाग्राहीको ग१च २३६३ नं को कार अदालतको आदेशबमोजिम छुटिसकेको अवस्थामा सेवाग्राहीले चलाइरहेको कार भित्रै घूस लिएको अख्तियारले जनाएको छ । उनले आयोगको टोलीलाई देख्नासाथ आफू बसेको टुलमुनि पैसा फ्याकेको आवस्थामा बरामद गरेको हो । 

उनीविरुद्ध  भ्रष्टाचार निवारण ऐन, २०५९ को दफा ३ को उपदफा ९१० र दफा ३ को उपदफा ९१० को  बमोजिम जरिवाना र कैद सजाय माग गर्दै
 विशेष अदालत, काठमाडौंमा आरोपपत्र दायर गरिएको छ।