site stats
बाह्रखरी :: Baahrakhari
देश
Nabil BankNabil Bank
Sarbottam CementSarbottam Cement
हाइड्रोपावरको सामानको जिम्मा नलिँदा  पाँच लरीमा रोक
Ghorahi CementGhorahi Cement

पोखरा । पोखरा महानगरपालिका वडा नं १० स्थित पोखरा औद्योगिक क्षेत्र अगाडि तीन दिनदेखि पाँच  लरी रोकिएका छन् ।  भारतको सिमाना रक्सौलबाट पोखरा आइपुगेका फलामजन्य सामग्री औपचारिक रुपमा बुझ्ने आधिकारिक व्यक्ति सम्पर्कमा नआउँदा ती गाडी बाहिर रोकिएका हुन् । 

पोखरा औद्यागिक क्षेत्र व्यवस्थापन कार्यालयका प्रबन्धक भूषणकुमार उपाध्यायले लरीमा आएको फलामजन्य सामग्री औपचारिक रुपमा कसको हो भन्ने नै थाहा नभएकाले आफूले  औद्योगिक क्षेत्र भित्र ल्याउन नसकेको बताए । 

Agni Group

उनले भने, “औद्योगिक क्षेत्रभित्रको कुनै पनि उद्योगले उक्त सामग्री आफ्नो भन्नुभएको छैन । सुपर मादी हाइड्रोपावर लिमिटेडले जिल्ला प्रशासन कास्कीलाई पासको लागि सिफारिस गरिपाऊँ भन्ने व्यहोराको पत्र लरी चालकले देखाएको र उक्त पत्रमा कास्की जिल्लाको मादी हाइड्रोपावरका लागि निर्माण सामग्री भएको जनाइएको छ । हामीले थप कुरा बुझिरहेका छौँ ।”
  
सुपर हाइड्रोपावरका प्रबन्ध निर्देशक पुष्पज्योति ढुङ्गानाले भने सामान हाइड्रोपावरको भए पनि सप्लायर्सबाट माछापुच्छ्रे मेटल उद्योगमा पठाइएको जानकारी दिए । उनल भने, “सामान हाम्रै हो तर माछापुच्छ्रे मेटलले जिम्मा लिनुपथ्र्यो, किन लिनुभएन म बुझ्छु ।” 

वडा नं १० का वडाध्यक्ष राजकुमार गुरुङले माछापुच्छ्रे मेटलका सञ्चालक विष्णु पाण्डेले आफूहरुले सामान नमगाएको र जबर्जस्ती पठाएको भन्ने जवाफ दिएको बताए । 

Global Ime bank

“पाण्डेले जबर्जस्ती सामान आइपुगेकोले आफूहरुले नबुझेको भन्नुभएको छ  । यहाँ ६ वटा लरीमा एचआर प्लेट्स १४७५ मेट्रिक टन आइपुगेको छ, कसैले पनि जिम्मेवारी लिन चाहनु हुन्न,  हामी उपयुक्त विकल्पको खोजी गर्छौं, चालकलाई क्वारेन्टाइनमा राख्ने हो कि सामान फिर्ता गर्ने हो भोलिसम्ममा निर्णय होला,” उनले भने

लरी चालक तीर्थलाल श्रेष्ठले लकडाउन अगाडि नै सामान लादिएको र ल्याउने समयमा लकडाउनका कारणले सिमरामा रोकिएको बताए । “हाइड्रोमेकानिकलअन्तर्गत पेनस्टक पाइप  सामान पहिले नै लोड भएको हो, ल्याउने बेला लकडाउन भयो, हामी सिमरामा रोकियौं, अहिले सरकारले विकास निर्माणको कामको सामग्री लान दिने भनेपछि हामी पोखरा आयौँ तर हामीलाई सम्पर्क गर्न भनेको व्यक्तिले फोन रिसिभ गर्नुभएको छैन । हामी निकै समस्यामा भयौं सामान बुझ्ने व्यक्तिहरु नहुँदा”, उनले भने । 

उनले आफूहरुलाई खानाको भन्दा पनि  शौचालयको समस्या भएको बताए । “हामी ६ जना छौँ, खान त चिउरा दालमोठ खाएर पनि बस्छौँ तर शौचालयको समस्या भयो । अनिर्णयको बन्दी बनेका छौँ, सम्बन्धित निकायले छिटो ध्यान दिए हुन्थ्यो । यस्तो अवस्थामा हामी गाडीमा बस्न बाध्य भएका छौँ ।”

श्रेष्ठले यसअघि तीन चोटि हाइड्रोपावरको सामान ल्याइसकेको तर अहिले भने सामान नबुझेर दुःख दिइएको गुनासो गरे । - रासस
 

NIBLNIBL
प्रकाशित मिति: आइतबार, वैशाख २८, २०७७  ००:००
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC