काठमाडौं । सरकारले कोरोना संक्रमणको परीक्षणका लागि ५० हजार किट रहेको बताएको छ । स्वास्थ्य मन्त्रालयको  नियमित प्रेस व्रिफिङका क्रममा सरकारसँग ५० हजार किट रहेको उल्लेख गरिएको हो । 

पर्याप्त किट रहेकाले अब परीक्षणको दायरा बढाउने स्वास्थ्य मन्त्रालयका प्रवक्ता डा. विकास देवकोटाले जानकारी दिए । 

कोरोना संक्रमणको उच्च जोखिम रहेका क्षेत्रमा परीक्षण तिव्र बनाइने उनको दाबी छ । हालसम्म नेपालमा १०९ कोरोना संक्रमितको पुष्टी भइसकेको छ । यसमध्ये ३१ जना डिस्चार्ज भइसकेका छन् ।  

उचाररतको स्वास्थ्य अवस्था सामान्य रहेको प्रवक्ता देवकोटाले बताए ।