काठमाडौं । निको फाउन्डेसनले दास्रो चरणमा नागार्जुन १ रानीवन, टौदह, राधा कृष्ण मन्दिर तथा आसपास बसोबास गर्ने अति विपन्न ९० घर परिवारलाई राहत वितरण गरेको छ । फाउन्डेसनले शेषमती आसपासमा बस्ने २० जना विपन्न तेक्वन्डो खेलाडीका परिवारलाई पनि राहत वितरण गर्यो ।
फाउन्डेसनका संस्थापक विश्व भट्टले संकलन गरी पठाएको रकमबाट राहत वितरण गरिएको फाउन्डेसनका रमेश भट्टले बताए ।
यसमा न्यु क्रिएटिभ विद्यालय रानीवनका संस्थापक युवराज वास्तकोटी, नागार्जुन १ का जन प्रतिनिधिहरु, नागार्जुन १ का समाजसेवी विश्व भट्ट तथा तार्केश्वर ५ का समाजसेवीहरु विकास तमाङ, कृष्ण श्रेष्ठ, रोसन महर्जन, साथै निको फाउन्डेसनका भाइबहिनीहरु आस, रतन, छोकी, अनुसा, शर्मिला, सिमाना, विवश, आदिको सहयोगमा न्युक्रिएटिभ स्कुलबाट वितरण गरिएको सम्झना गुरुङले बताइन् ।
राहतमा २५ केजी चामल, १ केजी मस्यौरा, १ पोका नुन, १ केजी गेडागुडी, २ केजी दाल र १ लिटर तेल वितरण गरिएको थियो ।