विशेष
काठमाडौं । सेनाका ‘लेफ्टिनेन्ट कर्णेल’ ले चलाएको कारको ठक्करबाट एकजनाको मृत्यु भएको छ ।
कालीमाटीबाट कलंकीतर्फ जाँदै गरेको बा.७२प ८१७२ नम्बरको मोटरसाइकललाई कर्णेल शिखर जबराले चलाएको बा.२१च ४३४७ नम्बरको कारले ठक्कर दिएको थियो । कारको ठक्करबाट मोरङ बेलबारी घर भई हाल काठमाडौं टंकेश्वरमा बस्दै आएका मोटरसाइकल चालक २३ वर्षीय टीकाराज बोलालको मृत्यु भएको हो ।
महानगरीय ट्राफिक महाशाखाका अनुसार कार र चालकलाई नियन्त्रणमा लिई कालीमाटी वृत्तमा राखी अनुसन्धान थालिएको छ । दुर्घटनामा सख्त घाइते टीकाराजको नेपाल नेसनल अस्पतालमा उपचारका क्रममा मृत्यु भएको हो । कर्णेल जबरा सेनाको मुख्यालय भद्रकालीमा कार्यरत छन् ।
प्रकाशित मिति: शुक्रबार, वैशाख २६, २०७७ ११:१६
प्रतिक्रिया दिनुहोस्