काठमाडौं । स्वीटजरल्यान्डले कोभिड–१९ परीक्षण गर्ने ३० हजार थान पीसीआर टेष्ट किट प्रदान गरेको छ । स्वास्थ्य मन्त्री भानुभक्त ढकाललाई उक्त किट हस्तान्तरण गरिएको हो ।
स्वीस सरकार विकास सहयोग एसडीसीमार्फत स्वीस सरकारले नेपाल सरकारलाई सहयोग गरेको हो । स्वीस सरकार विकास सहयोग एसडीसीले सहयोगको एक अंशमध्ये चारहजार पीपीई सेट, एकहजार इनफ्रारेड थर्मोमिटर, ८ हजार एन ९५ मास्क यसअघि नै हस्तान्तरण गरिएको थियो ।
यसका साथै एसटीडीसीले नेपाल सरकारको कोभिड १९ का लागि पूर्वतयारी, राहत र पुनस्र्थापनाका प्रयासलाई सहयोग पुर्याउन स्वीस फ्र्याङ्क ५० लाखको कोष स्वीकृत गरेको छ ।
यस कोषले विशेष गरी महामारीले प्रभावित नेपालीको सामाजिक, आर्थिक असर घटाउन एवम् आवश्यकता र समावेशितामा आधारित कार्यमा प्रभावकारी सम्बोधन गर्ने जनाइएको छ ।
“यी ३० हजार टेष्ट किटले नेपाल सरकारलाई कोभिड १९ को संक्रमण नियन्त्रण गर्नुमा आवश्यक र महत्वपूर्ण परीक्षणलाई सुदृढ गर्न सहयोग गर्नेछ,” नेपालका लागि स्वीस राजदूत एलिजाबेथ भोन क्यापलरले भने ।