फाइल तस्बिर ।
काठमाडौं । भारतीयहरु बाराको सुवर्ण गाउँपालिका-३ कबहीगोठस्थित नेपाल-भारत सीमाबाट नेपाल प्रवेश गर्न खोज्दा सशस्त्रले रोकेपछि झडप भएको छ ।
सीमामा खटिएकव सशस्त्र प्रहरीले दुईजना भारतीयलाई रोकेपछि करिब १०० जना भारतीयहरु आएर सशस्त्र प्रहरीको चेकपोस्टमा ढुंगामुढा गरेका थिए ।
सशस्त्र प्रहरीले स्थितिलाई नियन्त्रणमा लिन एक राउण्ड हवाइ फायर गरेको बाराका सशस्त्र प्रहरी उपरीक्षक दिग्विजय सुवेदीले जानकारी दिए ।
उनले भने, "सीमाबाट दुई जना भारतीयहरु नेपाल प्रवेश गर्न खोज्दा हाम्रो टोलीले रोकेको थियो । तर, पछि गएर करिब एक सय जति स्थानीय भारतीयहरु आएर हाम्रो सीमाको चेकपोस्टमा ढुंगामुढा गरेका थिए ।"
उनका अनुसार चेकपोस्टमा थोरै क्षति भएको छ । अहिले स्थिति नियन्त्रणमा आइसकेको सशस्त्र प्रहरी उपरीक्षक सुवेदीले जानकारी दिए ।