काठमाडौं । नेपाल कराँते महासंघका अध्यक्ष दावा लामाको नेतृत्वको टोलिले दिनहुँ बाटोमा भोको पेट बसेका बटुवा र पशुपक्षीलाई खाना खुवाउन थालेको छ ।
उनिहरुले घर फर्किन बाटोमा निस्किएका सयौं बटुवा र काठमाडौंमा रहेको सयौं पशु पक्षीलाई खाना खुवाउन थालेका हुन् । पछिल्लो १५ दिनदेखी उनीको टोलिले कलंकी, कालिमाटी, स्वयम्भू, वसन्तपुर टुडिखेल तथा विभिन्न मठमन्दिरमा पुगेर खाना खुवाउने कार्य गरिरहेका छन् ।
घर फर्किन कलंकी चोकमा विहानै आएर बसेका करीब चार सयदेखी पाँच सयसम्मका बटुवालाई दावासहितको टिमले साझ बिहान खाना खुवाउँदै आएको हो । पछिल्लो समय विभिन्न नगरपालिका र गाँउ पालिकाहरुले समन्वयले गरी घर फर्किन चाहने आफ्ना नागरीकहरुलाई घर फर्काउने कार्य सुरु गरेपछि हजारौको संख्यामा मानिसहरु साझ विहान सडकमा चोक चोक आउने गरेका छन् ।
लकडाउनका कारण भोका मानवलाई मात्र नभई पशुपक्षिलाई समेत पानी र चारोको व्यवस्था गर्दै आएका छन् । उनले स्वयम्भु, पशुपतीनाथ, वसन्तपुर दरबार स्क्वायरलगायतका क्षेत्रमा पुगेर बाँदर, परेवालाई आहारा दिँदै आएका छन् । साथै उनिहरुले बाटोमा रहेका सयौं कुकुरलाई समेत मासु चिउरा खुवाउने कार्य गर्दै आएका छन् ।
दावाले भैरवनाथ आश्रम र कलंकी क्षेत्रका क्लबहरुसँग सहकार्य गर्दै बटुवालाई खाना खुवाउने कार्य गरिरहको बाह्रखरीलाई जानकारी दिए । उनले स्थानिय क्लब, काठमाडौं महानगरपालिका, दक्षिणकाली नगरपालीका र नगरपालिका भित्रका वडाहरुले समेत साथ सहयोग गरेको बताए । साथै यो मानवीय कार्यमा गोरखनाथ आश्रमका साधु सन्तहरु पनि सहकार्यमा जुटेको राखेप पूर्व उपाध्यक्ष शैलेस कर्मचार्यले बताए । उनीहरुले कोरोना भाइरस संक्रमणको महामारी नघटेसम्म र बाटोका बटुवाको संख्या नघटेसम्म यो कार्यलाई निरन्तरता दिने बताएका छन् ।