काठमाडौं । राष्ट्रपति विद्यादेवी भण्डारीले संवैधानिक परिषद्को काम, कर्तव्य, अधिकार र कार्यविधिसम्बन्धी पहिलो संशोधन र राजनीतिक दलसम्बन्धी दोस्रो संशोधन अध्यादेश जारी गरेकी छन् ।
मन्त्रिपरिषद्को सोमबारको बैठकले यी दुई अध्यादेश ल्याउने निर्णय गरेपछि पार्टीभित्र अनेक तरङ्ग उत्पन्न भएका छन् । प्रधानमन्त्रीले एकतिर अनेक निशाना लगाउन थालेको रूपमा पनि अथ्र्याएका छन् कतिपयले ।
नेकपा स्थायी कमिटी सदस्य जनार्दन शर्माले आफ्नो दुई तिहाइ बहुमत हुँदाहुँदै अरूको पार्टी नफुटाउन नेतृत्वको ध्यानाकर्षण गराएका छन् ।
“दुई तिहाइ बहुमत आफैसँग हुँदाहुँदै अरू पार्टी फुटाउन किन आवश्यक भयो ?” उनले प्रश्न गरेका छन् ।
उनले कतै...भन्दै आवश्यक पर्दा नेकपा नै फुटाउन नै प्रयोग गर्ने त होइन भनेर आशंक गर्ने ठाउँ छाडेका छन् ।
शर्मा नेकपा एकताका सूत्राधारमध्ये हुन् ।