बाह्रखरी
Ncell inner sticky
देश प्रतिक्रिया दिनुहोस्
Jagadamba Group
Jagadamba Group
भारत तथा तेस्रो मुलुकबाट आएर महानगरमा बसिरहेकाको कोरोना परीक्षण जारी
KNP nepal
KNP nepal
बाह्रखरी - सोमबार, वैशाख ८, २०७७
Laxmi Bank
Laxmi Bank

काठमाडौं । काठमाडौं महानगरले भारत तथा तेस्रो मुलुकबाट आएर महानगरभित्र बसोबास गरिरहेका नागरिकहरूको कोरोना परीक्षणलाई तीव्र बनाएको छ ।

महानगरभित्र बसोबास गरिरहेका विदेशबाट आएका नेपाली नागरिक वा विदेशी नागरिकको ¥यापिड डाइग्नोस्टिक (आरडीटी) विधिबाट परीक्षण थालिएको हो । सोमबार महानगरले वडा ६, ७, ८ र ९ मा परीक्षण गरेको छ । २ सय जनाको परीक्षण गर्ने लक्ष्यसहित सो वडाहरूमा परीक्षण थालिएको महानगरले जनाएको छ । 

Duber nepal

Agani Group

आइतबारसम्म महानगरभित्र साढे ६ सय जनाको परीक्षण गरिएकोमा सबैको रिपोर्ट नेगेटिभ आएको मेयर विद्यासुन्दर शाक्यले बताए । विदेशबाट आएका नागरिकहरू सरकारको आग्रहअनुसार होम क्वारेन्टाइनमा बसिरहेकाले शंका गर्नुपर्ने अवस्था नरहेको उनको भनाइ छ । कुनै व्यक्तिमा पोजेटिभ देखिए थप परीक्षणका लागि टेकु अस्पताल पठाइने र सम्बन्धित वडामा छुटेकाहरूले अर्को वडामा गएर परीक्षण गर्न सक्ने उनले बताए ।

महानगरले प्रत्येक वडाहरूमा परीक्षण थाले पनि किटको व्यवस्थापन सहज नभएको गुनासो काठमाडौं ४ बाट निर्वाचित सांसद गगन थापाले गरेका छन् ।सोमबार परीक्षण गरिएका वडाहरूका लागि किट माग्न स्वास्थ्य तथा जनसंख्या मन्त्रालयमा हारगुहारै गर्नुपरेको उनको भनाइ छ । आरडीटी परीक्षणमा पोजेटिभ आएको तर पीसीआरमा नेगेटिभ आएका व्यक्तिको सम्पर्कमा आएका अन्य व्यक्तिहरूको पनि परीक्षण हुनुपर्नेमा त्यस्तो नभएको उनले बताए । महानगरले माइकिङ र स्वयंसेविकाहरूलाई घरघरमा पठाउँदा पनि धेरैले परीक्षणका लागि अटेरी गरेको थापाले बताए ।

चैतभित्र विदेशबाट आएका नागरिकको परीक्षण गरिएको हो । विदेशबाट आएका नागरिकहरूले परीक्षणको काम सरकारले ढिला गरी सुरु गरेको बताएका छन् । अहिले नेपालमा ३१ जनामा कोरोना पोजेटिभ देखिएको छ । जसमा चारजना उपचारपछि निको भएर घर फर्किएका छन्, भने २७ जना विभिन्न अस्पतालमा उपचाररत छन् । 
तस्बिर : सुनील प्रधान/बाह्रखरी

Nepal Investment bank
Nepal Investment bank
सोमबार, वैशाख ८, २०७७ मा प्रकाशित
TATA Landing
TATA Landing
प्रतिक्रिया दिनुहोस्