काठमाडौं । भारतीय क्षेत्र धार्चुलामै आमाका किरियामा बसेका नेपाली युवा वासुदेव भट्टलाई नेपाल ल्याइएको छ । जिल्ला प्रहरी कार्यालय दार्चुलाले दिएको जानकारीअनुसार उनलाई आजै केहीबेरअघि नेपाल ल्याइएको हो ।
छोरा लकडाउनमा रहेका बेला दार्चुला शैल्यशिखर नगरपालिकाका भट्टकी आमाको निधन भएको थियो ।
भारतीय क्वारेन्टाइनमा बसेका भट्टलाई दुवैतर्फका प्रहरीको सहयोगमा दत्तुस्थित झोलुंगे पुलको ढोका खोलेर नेपाल प्रवेश गराइएको थियो । जिल्ला प्रहरी कार्यालय दार्चुलाका डीएसपी दिपेन्द्र शाहीले भट्टलाई नेपाल ल्याइएको बाह्रखरीलाई जानकारी गराए ।
नेपालमा रहेकी आमाको निधन भए पनि उनलाई नेपाल आउन दिइएको थिएन । गृह मन्त्रालयले केहीदिनदेखि पहल गरे पनि भारतीय पक्षले भने ढोका खोल्न मानेको थिएन ।
तस्बिर : जिल्ला प्रहरी कार्यालय दार्चुलाको फेसबुकबाट