एजेन्सी । प्रिमियर लिग क्लब वेस्ट ह्यामका खेलाडीहरु आफ्नो तलव कटौती गर्न सहमती जनाएका छन् । विश्वभर महामारीको रुपमा फैलिएको कोरोना भाइरसविरुद्ध लड्न वेस्ट ह्यामका खेलाडीले आफ्नो ३० प्रतिसत तलव कटौती गर्न सहमती जनाएका हुन् । 

वेस्ट ह्यमले शुक्रबार आफ्ना सबै खेलाडीहरुको तलव कटौती गर्ने बताएको हो । वेस्ट ह्यामले अफिसियल स्टेटमेन्ट निकाल्दै यस्तो महामारीको समयमा सबैले सहयोग गर्नु पर्ने भएकाले हामीले पनि तलव कटौती गर्ने निर्णय लिएका हौं । 

“यस्तो समयमा हाम्रो समाजका लागि सहयोग गर्न पाउनु भाग्यको कुरा हो । त्यसैले यो समयमा सबैले सहयोग गर्न जरुरी छ,” क्लबको स्टेटमेन्टमा लेखेको छ । वेस्ट ह्यामका खेलाडीहरुले पनि ‘प्लेअर टुगेदर फन्ड’मा पनि पैसा जम्मा गरेका छन् । जुन फन्ड प्रिमियर लिगका खेलाडीहरुले भर्खरै मात्र स्थापना गरेका थिए ।