एजेन्सी । इटालियन क्लब लाजियोका मिडफिल्डर लुइस अल्बेर्टाेले सिरी ए जुनमा नै पुनः सुरुआत हुने आशा व्यक्त गरेका छन् । उनले खेलाडीहरूको मनोभावनमा पनि त्यही किसिमको रहेकाले लिग चाँडै नै सुरुआत हुने बताए । 

इटाली हाल विश्वमा कोरोना भाइरसको महामारीले सताएको स्थान हो । जहाँ धेरै मानिसले कोरोना भाइरसका कारण ज्यान गुमाइसकेका छन् । कोरोना कै कारण हाल इटालीमा हुने सम्पूर्ण खेलकुद प्रतियोगिता स्थगित छन् । 

इटालियन सिरी एको कुरा गर्ने हो भने । अहिले २६ औँ चरणका खेल सकिएका छन् । जमा युभेन्ट्स ६३ अंक सहित तालिकाको शीर्ष स्थानमा छ । ६२ अंक रहेको लाजियो तालिकाको दोस्रो स्थानमा रहेको छ । 

“मलाई लाग्छ यो महामारी चाँडै अन्त्य भएर हामीले जुनमा नै खेल सुरु गर्न पाउनेछौं । तर, यो दिनदेखि नै सुरुआत गर्नेछौं भन्न भने मुस्किल हुनेछ । किनभने यो भाइरसले कस्तो रूप लिनेछ भन्ने अवस्था छैन,” उनले ओन्डा केरोसँगको कुराकानीमा भने । 

अल्बेर्टाे यो सिजन लाजियोलाई इटालियन लिग जिताउने योजनामा छन् ।