काठमाडौं । भर्चुअल थिएटर फेस्टिभल ‘क्वारेन्टाइन अभियान नाट्य उत्सव २०७६’ मा आज (शुक्रबार) तीन नाटकको भिडियो प्रदर्शन हुँदै छ ।
यसअन्तर्गत दिउँसो १ बजे दुई नाटक प्रदर्शन हुँदै छ । जसमा डेनमार्कबाट आएको ज्याक म्याथिसन सिर्जित तथा निर्देशित पपेट प्ले ‘टु बी’ र चिनियाँ साहित्यकार लु सुनको कथामा आधारित, चे शंकर निर्देशित ‘म्याड म्यान्स डायरी’को रहेको छ । ‘म्याड म्यान डायरी’मा सुदाम सिकेको एकल अभियन छ ।
त्यस्तै साँझ ५ बजे आयोजककै नाटक ‘भोको घर’को प्रदर्शन गरिँदै छ । गोविन्द बहादुर मल्ल ‘गोठाले’लिखित नाटक ‘भोको घर’लाई केदार श्रेष्ठलेनिर्देशन गरेका हुन् । जसमा आकाश मगर, शान्ति गिरी, सुदाम सिके, सञ्जिता पराजुली, अभय बराल लगायतको अभिनय छ ।
थिएटर मल–कीर्तिपुर रङ्गमञ्च र थिएटर सेन्टर फर चिल्ड्रेन (टीसीसी नेपाल) ले विश्व रङ्गमञ्च दिवस २७ मार्च (१४ चैत) बाट उत्सव सुरु गरेको हो ।