एजेन्सी । जर्मन क्लब वयार्न म्युनिखको लागि यो सिजन खास्सै उत्कृष्ट भएन । घरेलु लिगदेखि च्याम्पियन्स लिगसम्मको यात्रामा वयार्नले सोचे अनुरुप प्रदर्शन गर्न सकेन । बुन्डेस लिगामा वयार्न तेस्रो स्थानमा सम्म रहन पुग्यो । तर, आउने सिजनमा भने वयार्नको प्रदर्शमा सुरुआती देखिनै उत्कृष्ट हुने क्लबका स्पेनिस मिडफिल्डरले बताएका छन् ।
मिडफिल्डर थाइगोले वयार्नको नयाँ सिजन यो भन्दा धेरै उत्कृष्ट हुने बताए । सन् २०१३ मा स्पेनिस क्लब बार्सिलोनाबाट वयार्न आएका थाइगो हाल क्लबका लागि मुख्य खेलाडीको रुपमा रहेका छन् । क्लबका लागि १४८ खेल खेलेका उनले १७ गोल पनि गरका छन् ।
“हामी नयाँ सिजनमा जिरो लेभलबाट सुरुआत गर्नेछौं । अहिलेको सिजन उपलब्धि मुलक भने रहेन्,” थाइगोले भने । वयार्नले यो सिजन फ्रान्कफर्टसँग ५–१ गोल अन्तरले पराजित हुँदा क्लबका मुख्य प्रशिक्षक निको कोभासलाई बर्खास्त गर्दै नयाँ प्रशिक्षक अनुबन्धन गरेको थियो ।