एजेन्सी । लिग लिडर युभेन्ट्सले सिरी ‘ए’का २६ खेल खेल्दा २० खेलमा जित तथा समान तीन खेलमा हार र बराबरी खेलेको छ । ६३ अंकसहित शीर्ष स्थानमा रहेको युभेन्ट्सले व्यहोरेको तीन खेलको हारमध्येको एक खेल वेरोनासँगको हो ।
वेरोनाको घरेलु मैदानमा भएको खेलमा युभेन्ट् घरेलु टोलीसँग २–१ ले पराजित भएको थियो । पहिलो हाफ गोलरहित बराबरी भएको खेलको दोस्रो हालमा क्रिस्टियानो रोनाल्डोले गोल गर्दै अग्रता दिलाएका थिए । तर, ७६औं मिनेटमा वेरोनाका फैयिबो कोरिनी र ८६औं मिनेटमा गिम्पाओली पाजिनीले गोल गर्दा युभेन्ट्स पराजित हुन पुग्यो ।
उक्त जित वेरोनाका लागि सिजनको सबैभन्दा आकर्षकमध्येको एक रहेको पोर्चुगिज तथा वेरोनाका मिडफिल्डर मिगुइल वेलोसोले बताएका छन् । उनले आफ्ना राष्ट्रिय टोलीका खेलाडी रोनाल्डोलाई पराजित गर्न पाएकोमा खुसी भएको बताए ।
उनले एक इन्स्ट्राग्राम स्टोरीमा खेल्दै रोनाल्डोलाई पराजित गरेको दिन धेरै खुसी भएको बताएका छन् । “रोनाल्डोलाई म चिन्छु । र मलाई थाहा छ उनी हार्न मन पराउँदैनन् । तर, हामीले हराउन सफल भयौ,” वेलोसोले भने, “हामीले खेलपछि कुराकानी गरे पनि खेलका दौरान रिसमा रहेका रोनाल्डो हेर्न लायक थिए ।”
उनले यस सिजनलाई आफ्नो आफ्नो उत्कृष्ट सिजनका रूपमा रहेको बताउँछन् । उनले टिमको प्रदर्शन राम्रो रहे व्यक्तिगत गुणत्वसमेत अगाडि आउने बताए । उनी गेनोआबाट यसै सिजन वेरोना पुगेका थिए ।
“यो मेरो सबैभन्दा राम्रो सिजन हो । त्यसका लागि क्लब र सबै साथीलाई धन्यवाद दिन चाहन्छु । सिजनको सुरुवातमा मैले आफ्नो उत्कृष्ट दिने सोचेको थिए । आशा छ कि यस उत्कृष्ट सिजनको अन्त्य गरुँ,” उनले भने ।
वेरोनाले यस सिजन लिगका २५ खेल खेल्दा ३५ अंक जोडेर आठौं स्थानमा छ । वेरोनाले २५ खेल मध्येबाट ९ खेलमा जित निकाल्दा समान ८ खेल बरारबी र हार व्यहोरेको छ ।