एजेन्सी । अर्जेन्टिना तथा बार्सिलोनाका कप्तान लियोनल मेसीको अनुबन्धको चर्चा हरेक समय चल्ने गर्छ । त्यस्तै इन्टर मिलानका पूर्वमिडफिल्डर बेनोइटले पनि इन्टर मिलानले विश्व फुटबलका उत्कृष्ट खेलाडी मेसीलाई अनुबन्ध गर्न सक्ने बताएका छन् । 

यसअघि इन्टर मिलानका उपाध्यक्ष मासिमो मोराटिले ६ पटकका बालोन डी’ओर विजेता मेसी इन्टरमा आउने चासो नदेखाए पनि उनले आउन चाहे अनुबन्ध गर्न ठूलो कुरा नरहेको बताएका थिए । 

“अवश्य पनि इन्टरले मेसीलाई अनुबन्धन गर्न सक्छ । त्यहाँ कुनै शंका भने छैन् । यदि इन्टरका अध्यक्षले ठूलो रकम लगानी गर्न सके र ठूलो सोच बनाए मेसीलाई अनुबन्ध गर्न सकिनेछ,” काउटले इन्स्टाग्राम लाइभमा भनेका भने । 

काउटले सन् १९९७–९८ को सिजनमा इन्टरलाई यूइएपmए सुपर कप जिताएका थिए । यता बार्सिलोना कप्तान मेसी भने बार्सिलोना छाड्ने मनस्थितिमा छैनन् ।