एजेन्सी । विश्वभर महामारीका रूपमा फैलिएको कोरोना भाइरसले सबै क्षत्रमा असर पारेको छ । कोरोना भाइरसले खेलकुद जगतमा पनि धेरै असर पारेको छ । खेलकुदका ठूला प्रतियोगिताहरू कोरोनाकै कारण स्थगित छन् ।
त्यस्तै विश्व फुटबलको सर्वाधिक लोकप्रिय प्रिमियर लिग फुटबल पनि स्थगित छ । यूइएफए अध्यक्ष आलेकसेन्डर केफेरिनले कोरोना भाइरसकै कारण यो सिजन प्रिमियर लिग अन्त्य भए लिगको टाइटल स्वतः लिभरपुले पाउने बताएका छन् ।
यो सिजन प्रिमियर लिगको २९औँ खेल सकिँदा लिभरपुल ८२ अंकसहित तालिकाको शीर्ष स्थानमा छ । त्यस्तै म्यान्चेस्टर सिटी ५७ अंकसहित तालिकाको दोस्रो स्थानमा छ । भने लेस्टर सिटी ५३ अंकसहित तालिकाको तेस्र्रो स्थानमा छ ।
“कोरोना भाइरसका कारण सिजनको अन्त्य भए लिभरपुललाई उपाधि दिनुबाहेक अन्य उपाय छैन । यदि खेलहरू भए पनि लिभरपुलले लगभग उपाधि रक्षा गरिसकेको छ । नम्बरका आधारमा भन्ने भने उनीहरूले उपाधि जितेका छैनन् तर पनि उपाधि पक्का जस्तै हो,” केफेरिनले सोभियन स्पोर्ट्स डेलीसँगको कुराकानीमा भने ।
लिभरपुल यो सिजन २९ मध्ये एक खेलमा मात्र पराजित हुँदै उपाधि होडमा आफूलाई बलियो बनाएको टोली हो । उसले एक खेलमा बराबरी पनि खेलेको थियो । “यदि खाली स्टेडियममा खेलहरू भए समर्थकहरूलाई नरमाइलो लाग्नेछ । तर, खेल नभई सिजन अन्त्य भए उपाधि लिभरपुलले लिनेछ,” उनले भने ।