एजेन्सी । इटालियन सिरी एका सबै क्लबले सर्वसम्मित सहमति गर्दै खेलाडीको तलब कटौतीमा सहमति भएका छन् । क्लबहरूले पहिलो रोजाइका खेलाडीको तलबबाट एक तिहाइ कटौती गर्ने सहमति भएको हो । 

इटालियन खेलाडी संघ (एआईसी) सँगको तलब कटौती सम्झौतामा असफल भएपछि क्लबहरूले सोमबार एक आपतकालीन सम्मेलनको आयोजना गरेको जनाइएको थियो । यो सम्झौतामा २० खेलाडी मध्येबाट १९ खेलाडीका लागि लागु हुने बताइएको छ । क्लबहरूले यदि सिजन कोरोना भाइरसका कारण पूर्ण रूपमा अन्त्य भयो भने खेलाडीको तलबबाट एकतिहाइ कटौती गर्ने बताइएको छ । 

तर, यस सम्झौतामा युभेन्ट्स सहमत नभएको खुलेको छ । युभेन्ट्सले दुई साताअघि नै खेलाडीको तलबबाट कटौती गर्ने सहमति गरिसकेको थियो । युभेन्ट्सले खेलाडीको तलबबाट कटौती गर्दै ९० मिलियन पाउन्ड बचाउ गरेको थियो । 

इटालियन फुटबल नियमको भविष्य बचाउनका लागि यस्तो कदम चालिएको क्लबहरूले बताएका छन् ।