एजेन्सी । ब्राजिलियन स्टार खेलाडी विलियन हाल विश्व फुटबलमा उत्कृष्ट प्रदर्शन गरिरहेका खेलाडी हुन् । विलियन हाल प्रिमियर लिग क्लब चेल्सीबाट आफ्नो व्यावसायिक फुटबल करियरलाई अगाडि बडाइरहेका छन् ।
सन् २०१३ मा चेल्सी आएका विलियनको नयाँ सम्झौता २०२० जुनमा सकिँदै छ । क्लबले विलियनसँग दुई वर्षको नयाँ सम्झौता गर्ने सोच बनाएको छ । तर, विलियनले भने क्लबसँगको नयाँ सम्झौता तीन वर्षको हुनुपर्ने माग राखेका छन् ।
“त्यहाँ नयाँ सम्झौता हुने सम्भावना छैन । किनकि मलाई चेल्सीले दुई वर्षको नयाँ सम्झौताका लागि भनेको छ भने मैले तीन वर्षको हुनुपर्ने माग राखेको छु,” विलियनले भने । विलियनले यो सिजन प्रिमियर लिगमा २८ खेल खेलेर ५ गोल गरेका छन् । त्यस्तै च्याम्पियन्स लिगमा ७ खेल खेलेर १ गोल गरेका छन् ।
“त्यहाँ सम्झौताका लागि धेरै कुरा भने छैन । चेल्सीले दुई वर्षको नयाँ सम्झौता गर्ने चाहना बनाएको छ मेरो रोजाइ तीन वर्ष हो । यस्तो हुँदा चेल्सी छोड्न सक्ने सम्भावना हुनेछ । तर भन्न सकिँदैन सबै कुरा सम्भव पनि हुँदैन,” विलियनले भने ।