काठमाडौं । लोकप्रिय सिङ्गीङ रियालीटी शो, अमेरिकन आइडलमा उत्कृष्ट प्रस्तुति दिँदै आएका नेपालका दिवेश पोखरेललाई निर्णायकले उदाउँदो ताराको संज्ञा दिएका छन् ।
शीर्ष २० मा पुग्न सफल दिवेशलाई आगामी यात्राको सुभकामना दिँदै निर्णायक मध्येका एक लिओनेल रिचीले उनलाई उदाउँदो ताराको संज्ञा दिएका हुन् ।
रिचीले यसअघिको दिवेशको प्रस्तुतीमा आँशु थाम्न सकेका थिएनन् ।
दिवेसको स्वभाव र गायन कला आफूहरुलाई अत्यन्तै मन परेको भन्दै निर्णायकले पुनः उनको तारिफ गरेका छन् ।
दिवेश अमेरिकन आइडलको शीर्ष २० छनोट भएका छन् । निर्णायकले दिवेशलाई शीर्ष २० मा छनोट गर्न आफूहरुलाई कठिन नभएको पनि बताएका छन् ।
स्टेज र युट्युबमा ‘आर्थर गन’ को नामले प्रस्तुति दिँदै आएका दिवेशले केही गीत सार्वजनिक गरिसकेका छन् ।
अमेरिकन आइडलको १८औं सिजनमा शीर्ष २० भित्र परेका दिवेशलाई निर्णायक मध्येक एक लुके ब्रायनले अडिसनमा ठूलो स्टार हुन सक्ने भन्दै प्रशंसा गरेका थिए । अमेरिकन आइडलको जारी १८औं शृंखलाको निर्णायकमा ब्रायनसँगै केटी पेरी र लिओनेल रिची छन् ।
२० वर्षीय दिवेश ६ वर्षदेखि अमेरिकामा बस्दै आएका छन् ।
1628253175.jpg)
