एजेन्सी । एकदिवसीय क्रिकेट वरियताको शीर्ष स्थानमा विराट कोहलीको स्थान कायमै छ । पछिल्लो केही समय यता उनको लय देखिको छैन ।
कोरोना भाइरसका कारण विश्व नै ठप्पप्रायः छ । खेलाडीहरू पनि आफ्नो घरको बन्द कोठामा छन् ।
केही क्रिकेट खेलाडी पछिल्लो समय एकदिवसीयमा उत्कृष्ट प्रदर्शन गर्दै आएका छन् । जसको असर विराट कोहलीलाई पर्ने देखिन्छ । कोहलीले न्युजल्यान्डविरुद्धको सिरिजमा खासै खेल्न सकेनन् । त्यसपछि घरेलु मैदानमा तय भएको दक्षिण अफ्रिकाविरुद्धको सिरिज भने स्थगित हुन पुग्यो ।
विश्व क्रिकेटमा कैयौ यस्ता ब्याट्सम्यान छन् जसको एकदिवसीय प्रदर्शन उत्कृष्ट चलिरहेको छ । जसले लकडाउनपछि मैदानमा उत्रिदै एकदिवसीय वरियताको शीर्ष स्थान विराट कोहलीबाट खोस्न सक्नेछन् ।
३.रोस टेलर
न्युजिल्यान्डका खेलाडी रोस टेलरले हालैमात्र भारतसवरुद्धको एकदिवसीय सिरिजमा उत्कृष्ट प्रदर्शन गरेका थिए । एकदिवसीय वरियताको चौथो स्थानमा रहेका उनी कुल ८२८ रेङ्किङ प्वाइन्ट छ । यता विराटको भने ८६९ प्वाइन्ट रहेको छ । यसैले यो अनुमान गर्न सकिन्छ कि यदि टेलर यही लयमा रहे कोहलीलाई शीर्ष वरियताबाट तल झार्न सक्नेछन् ।
दुई सिरिज टेलरले उत्कृष्ट खेलेका थिए । कोहलीको भने प्रदर्शन राम्रो रहन सकेन । त्यसैले कोहलीलाई शीर्ष स्थानको एकदिवसीय वरियता जोगाउन टेलरबाट खतरा छ ।
२. बाबर आजम
पाकिस्तानी खेलाडी बाबर आजमले पछिल्लो समय एकदिवसी क्रिकेटमा निकै प्रभाव जमाएका छन् । पछिल्लो खेलमा उनले एकदिवसीय मात्र नभई टी–ट्वान्टीमा पनि निकै प्रभाव जमाएका छन् । एकदिवसीय क्रिकेटमा यस समय बाबर पाकिस्तानका सर्वश्रेष्ठ खेलाडी हुन् ।
एकदिवसीय वरियताको तेस्रो स्थानमा रहेका बाबरको प्वाइन्ट ८२९ रहेको छ । उनको तुलना कैयौ पटक विराट कोहलीसँग समेत गरिएको थियो । केही खेलमा उत्कृष्ट प्रदर्शन गर्न सके उनी भारतीय कप्तान कोहलीको शीर्ष स्थान आफ्ना नाममा गर्न सक्छन् । बाबरमा त्यो क्षमता छ ।
१. रोहित शर्मा
भारतीय क्रिकेट टिमका उपकप्तान रोहित शर्मा पछिल्लो समय निकै चर्चामा रहे । उनी आईसीसी एकदिवसीय विश्वकप क्रिकेटमा उत्कृष्ट प्रदर्शन गर्दै चर्चामा रहेका थिए । विराट कोहलीलाई एकदिवसीय वरियताको शीर्ष स्थानबाट झार्न सबैभन्दा नजिक रोहित छन् । रोहितको लय पनि विराटभन्दा उत्कृष्ट रहेको छ ।
खास विषय यो छ कि कुनै पनि सिरिजमा रोहितको दुई पारी निकै उत्कृष्ट रहने गरेको छ । एकदिवसीय क्रिकेटमा तीन दोहोरो शतक जोडी सकेका रोहित ८५५ प्वाइन्ट सहित दोस्रो स्थानमा छन् । उनी कोहली भन्दा मात्र १४ अंकले पछि छन् । शीर्ष स्थानमा आउन सबैभन्दा पहिले रोशितसँग अवसर छ । यसका लागि रोहिले आफ्नो लयलाई जोगाई राख्नु पर्नेछ ।