देश
काठमाडौं । गुप्तेश्वर महादेव मन्दिर समिति र कमेरे खोला बस्ती संयुक्त संरक्षण समाजले अति विपन्न परिवारलाई राहत स्वरुप खाद्यान्न सामग्री वितरण गरेका छन् । तार्केश्वरस्थित रहेका करिब २६५ जनालाई खाद्यान्न सामग्री वितरण गरिएको हो ।
विश्वभर अहिले महामारीका रुपमा फैलिरहेको कोरोना भाइरसले गर्दा नेपालमा पनि वितग १३ दिनदेखि लक डाउन छ । जसका कारण दैनिक ज्याला मजदुरी गर्ने व्यक्तिहरुलाई दैनिकी गुजारा गर्न असहज भएकाले आफूहरुले राहत स्वरुप सहयोग गरेको समितिका अध्यक्ष इच्छा कार्कीले बताए ।
समितिका कोषाध्यक्ष डिलाराम सापकोटा र सचिव अर्जुन पुडासैनी लगायतको टोलीले यसअघि पनि राहत वितरणको कार्यक्रम गरेको थियो ।
प्रकाशित मिति: आइतबार, चैत २३, २०७६ १३:१७
प्रतिक्रिया दिनुहोस्