एजेन्सी । नेदरल्यान्डको क्लब आयाक्सका स्टार खेलाडी भान विक्ले स्पेनिस क्लबप्रति चासो देखाएका छन् । उनले स्पेनिस फुटबल क्लबबाट खेल्ने चाहना भएको बताए । विक्ले स्पेनिस क्लबमा खेल्ने चाहना भए पनि अहिले त्यो समय नआएको बताएका छन् ।
भाव वि्क अहिले आयाक्सका उत्कृष्ट मिडफिल्डरका रूपमा छन् । उनले हाल स्पेनिस क्लब रियल मड्रिडमा चासो देखाएको स्पेनिस मिडियाहरुले लेखेका छन् । तर, उनले यो समय आयाक्स मै रमाइरहेको बताए ।
“मेरो स्पेनिस क्लबप्रतिको भावना सकारात्मक छ । यसको मतलब म जानुपर्छ भन्ने छैन । स्पेनिस क्लबमा खेल्ने तरिकाको विकास गर्दै छु । अनि मैले कति समयसम्म उत्कृष्ट प्रदर्शन गर्न सक्छु भन्ने कुरामा पनि सहज मान्ने छु,” भान विक्ले हेलेन्डसँगको कुराकानीमा भने ।
उनले आयाक्सका लागि च्याम्पियन्स लिगमा उत्कृष्ट प्रदर्शन गरेका थिए । अघिल्लो सिजन आयाक्स च्याम्पियन्स लिगको सेमिफाइनलमा पुग्दा भान मुख्य खेलाडी थिए ।
