अभिनेता टम क्रुजको बहुप्रतीक्षित चलचित्र ‘टप गनः माभेरिक’ कोरोना भाइरसको महामारीका कारण डिसेम्बरका लागि रिलिज हुने भएको छ । शुक्रकार अभिनेता क्रुजले ट्विट गर्दै लेखेका छन्, “मलाई थाहा छ तपाईहरूमध्ये धेरैले विगत ३४ वर्षदेखि प्रतीक्षा गरिराख्नु भएको छ । दुर्भाग्यवस, प्रतीक्षा अझै केही लम्बिनेछ । ‘टप गनः माभेरिक’ अब डिसेम्बरमा मात्रै रिलिज हुँदैछ । सबै सुरक्षित रहनुहोस् ।”

यसअघि जुन २४ मा रिलिज मिति तय गरिएको यस चलचित्र अब डिसेम्बर २३ मा मात्रै रिलिज हुने भएको छ । 

चलचित्रमा क्रुज युस नेभल एभिएटर पिट “माभेरिक मिचेलको भूमिका निर्वाह गर्दैछन् । भने उनीसँगै चलचित्रमा माइल्स टेलर, जेनिफर कन्नली, भाल किल्मा र जोन ह्याम पनि रहने छन् । (हिन्दुस्तान टाइम्स)