साहित्य
कोरोनाको डरमा
बस्न पर्यो घरमा
भित्र भित्रै यसरी
बस्ने होला कसरी ?
००
बाहिर हिँड्न हुन्न रे
पुलिस दाइले दिन्न रे
लाग्छ अरे कोरोना
तर हुन्न डराउन ।
००
जाँच पनि गएको
स्कुल बिदा भएको
घुम्न जाने मौकामा
पर्र्यौँ हामी धोकामा ।
००
एसईईका दिदी दाजु
अप्ठेरोमा पर्नु भो
लक–डाउन तोकियो
परीक्षा नै रोकियो ।
००
के गर्दै छौ साथीभाइ ?
गाह्रो भयो हामीलाई
बसौं किताब हेरेर
योग व्यायाम गरेर ।
००
–चुँदीरम्घाबेसी, भानु नगरपालिका ४, तनहुँ, गण्डकी प्रदेश
(बाह्रखरी डिजिटल न्युज तथा हातेमालो सञ्चारको सहकार्यमा प्रस्तुत बाल सामग्री ।)
प्रकाशित मिति: शुक्रबार, चैत २१, २०७६ १२:०५
प्रतिक्रिया दिनुहोस्