काठमाडौं । कोरोना भाइरसको संक्रमण फैलिनबाट रोक्न सुधारगृहमा रहेका १७४ बालबालिकालाई रिहा गरिएको छ । देशभरका ८ स्थानमा रहेका सुधारगृहमा रहेका उनीहरुलाई अभिभावको जमानीमा रिहा गरिएको हो ।

कारागार व्यवस्थापन विभागका सूचना अधिकारी देवर्षी सापकोटाका अनुसार सुधारगृहका रहेका बालबालिका अभिभावकले अदालतमा निवदेन दिएको र आवश्यक परेको बेला उपस्थित गराउने सर्तमा उनीहरुलाई रिहा गरिएको हो ।

१९ गतेसम्म १७४ बालबालिका रिहा भए पनि लकडाउनका कारण सबै सूचना संकलनमा कठिनाइ भएको उनले बताए । यस्तै सर्वोच्चको आदेशअनुसार १ वर्षभन्दा कम  सजाय बाकी रहेका अन्य ११२ जना समेत विभिन्न कारागारबाट रिहा भएका छन् ।

सापकोटाले भने, “सरकारी वकिलमार्फत अदालतमा निवेदन दिएपछि अदालतले जे आदेश दिन्छ त्यही हामीले मान्ने हो । जेष्ठ नागरिकको विवरण संकलन गरिरहेका छौं तर उनीहरूको हकमा कुनै निर्णय भइसकेको छैन् ।” कारगारमा पछिल्लो समय भेटघाटमा समेत कडाइ गरिएको छ ।