भक्तपुर । लकडाउनका कारण दैनिक गुजार गर्न समस्या भएका ५० श्रमिक परिवारलाई रोटरी क्लब भादगाउँले राहत वितरण गरेको छ । सूर्य विनायक नगरपालिका ५ मा अस्थायी बसोबास गरी दैनिक ज्याला मजदुरी गर्ने श्रमिक परिवारका लागि १ महिनाको राशनको वितरण गरिएको क्लबले जनाएको छ ।
वडा कर्यालयको समन्वयमा रोटरी क्लब अफ भादगाँउको संस्थापक अध्यक्ष श्री मनोजकुमार कँडेल र ५ नं वडा सदस्य वाशुदेव पोख्रेलले संयुक्त रुपमा बिहीबारबाट वितरण सुरु गरेका हुन् ।
प्रति परिवार चामल ३० केजी, दाल ३ केजी, नुन २ पाकेट, तेल २ लिटर, मस्यौरा १ केजी, चीनी १ केजी र साबुन ३ पिस दिइएको क्लबका संस्थापक अध्यक्ष मनोजकुमार कँडेल जानकारी दिए ।
यस कार्यक्रमलाई विस्तार गर्दै मुख्यतयः बिरामी, सुत्केरी र बुढाबुढी रहेको र दैनिक ज्यालादारी गरी खाने श्रमिकहरुको पहिचान गरेर गरिने कँडेलले बताए ।