_687826511.png)
बर्लिन । जर्मनीका 'सोसल डिस्टेन्सिङ' को प्रावधान अप्रिल १९ सम्म लागु हुने गरी बढाइएको छ ।
जर्मन चान्सलर एन्जेल मर्केलले बुधबार जर्मनको संघीय सरकार र जर्मनीको १६ वटा राज्यहरुबीच कोरोना भाइरसको संक्रमण फैलिन नदिन अप्रित १९ सम्म सोसल डिस्टेन्सिङको प्रावधान लागु हुने समयसीमा बढाउने सहमति भएको बताएकी छन् ।
उनले भनिन्, "हामीले स्थितिको मूल्यांकन गर्यौं र सोसल डिस्टेन्सिङलगायतका प्रतिबन्धका प्रावधानहरु अप्रिल १९ सम्म लागु हुने गरी बढाएका छौं ।"
यो समय भनेको इस्टरभन्दा पछिसम्म रहनेछ । उनले भनिन्, "महामारीले पर्व, बिदा चिन्दैन । म नागरिकलाई आग्रह गर्न चाहन्छु कि मानिसहरुबीचको भौतिक सम्पर्कलाई घटाउन आग्रह गर्छु । इस्टर होलिडेमा समेत यही नियम लागु हुन्छ ।"
उनले इस्टरपछिको मंगलबार पुन: मूल्यांकन गरिने बताएकी छन् ।
जर्मनीमा हालसम्म करिब ७० हजार कोरोना संक्रमित छन् भने ६८२ को मृत्यु भइसकेको छ । - सीएनएन
