भियना । नोभेल कोरोना भाइरसविरुद्धको पूर्वसावधानीका लागि अपनाइएका प्रतिबन्धहरुका कारण मध्य युरोपियन मुलुक अस्ट्रियामा दोस्रो विश्वयुद्धपछिको उच्च बेरोजगारी बढेको छ । 

अस्ट्रियामा लगाइएका विभिन्‍न प्रतिबन्धका कारण दैनिक जीवनशैली प्रभावित हुँदा दुई तिहाइभन्दा बढी जनसंख्या बेरोजगार भएको बताइएको छ । अस्ट्रियाका पब्लिक इम्प्लोइमेन्ट सर्भिस (एएमएस) ले बुधबार एक विज्ञप्ति सार्वजनिक गर्दै मुलुकका पाँच लाख चार हजार मानिस बेरोजगार भएको जनाएको छ । गत वर्षको मार्चलाई तुलना गर्दा ५२.५ प्रतिशतले बेरोजगारी बढेको बताइएको छ । 

एएमएसका प्रवक्ताले भने, "सन् १९४६ पछि यति ठूलो संख्यामा मानिसहरु रोजगारविहीन भएका थिएनन् ।"

विज्ञप्तिमा भनिएको छ, "बेरोजगारीको दर विशेष गरेर क्याट्‌रिङ र एकोमोडेसनसँगै निर्माण क्षेत्रमा बढेको छ । त्यसैगरी यातायात र स्टोरहरुमा काम गर्ने मानिसहरु पनि बेरोजगार भएका छन् ।"  

अस्ट्रियामा १० हजार ३८७ जना कोरोना संक्रमित भएका छन् भने १४६ जनाको मृत्यु भएको छ । -सीएनएन