एजेन्सी । हलिउड कलाकारहरू एकपछि अर्को गर्दै कोरोना भाइरसको संक्रमणमा परिरहेका छन् ।
टम ह्यान्क्स, रिटा विल्सन, इड्रिस एल्बा, क्रिस्टोफरका साथै हालै अमेरिकन गायिका क्याली शो पनि कोरोनाबाट संक्रमित भएको खबर आएको छ ।
यस कुराको जानकारी उनीहरू स्वयंले सामाजिक सञ्जालमार्फत जनाएका हुन् । यसैक्रममा अमेरिकी गायिका क्याली शोर पनि कोरोनाको संक्रमणमा परेकी छन् । उनले ट्विटरमार्फत आफू संक्रमित भएको जानकारी दिएकी हुन् ।
कोरोना पुष्टि भएको दुई दिनमै अभिनेता एन्ड्रयु ज्याकको निधन
“म पछिल्लो तीन सातादेखि क्वारेन्टाइनमा बसिरहेकी थिएँ, तर एकदिन घरका लागि सामान किन्न पसल जाँदा कोरोनाको शिकार बनें । अहिले केही ठीक महसुस गरिरहेकी छु,” उनले ट्विटरमा भनेकी छन्, “तर थाहा पाएँ यो भाइरस निकै खतरनाक रहेछ । मानिसहरू यसलाई सामान्य रूपमा लिइरहेको देख्दा मलाई दुःख लागिरहेको छ ।”
यसका साथै उनले अर्को ट्विट गर्दै भाइरसका कारण शरीरमा आएको कठिनाइलाई यसरी वर्णन गरिन्, “पहिलो केही दिन मेरा लागि निकै कठिन रह्यो । मेरो पुरै शरीर दुखिरहेको थियो र मलाई ज्वरो पनि धेरै आएको थियो । मैले गन्ध र स्वाद पुरै बिर्सिसकेको छु ।”
कति हलिउड सेलिब्रेटीहरू कोरोना भाइरसको संक्रमणसँग लडिरहेका छन् भने कतिको त निधनसमेत भइसकेको छ ।
(नवभारत टाइम्स)
कोरोनामुक्त भएपछि टम ह्यान्क्स दम्पती फर्किए अमेरिका