इस्लामावाद । पाकिस्तानी प्रधानमन्त्री इमरान खानले फेरि राष्ट्रव्यापी लकडाउनको विरोध गरेका छन् । विश्‍वको पाँचौं ठूलो जनसंख्या भएको पाकिस्तानका प्रधानमन्त्री इमरान खानले राष्ट्रव्यापी लकडाउनको विपक्षमा उभिएका हुन् । 
प्रधानमन्त्री खानले भाइरसविरुद्ध 'बुद्धिमानी'का साथ कोरोनाविरुद्ध लड्‍न नागरिकलाई आग्रह गरेका छन् । 

पाकिस्तानमा हालसम्म कोरोना संक्रमितको संख्या १९ सय पुगेको छ भने  २६ जनाको मृत्यु भएको छ । यद्यपि, विभिन्‍न जिल्लामा मानिसहरुको आवतजावतमा प्रतिबन्ध लगाइएको छ । 

भारतमा भने २१ को राष्ट्रव्यापी लकडाउनको घोषणा गरिएको छ । जसका कारण भारतीय विद्यार्थीहरु बंगलादेशमा अलपत्र परेका छन् । श्रीलंकामा भने दुईजनाको मृत्यु भएको छ भने १२० संक्रमित फेला परेका छन् । 

नेपालमा भने अहिलेसम्म पाँचजना कोरोना संक्रमित भेटिएका छन् । - बीबीसी