हङकङ । हङकङले मुलुक बाहिरबाट आएका यात्रुहरुबाट नोभेल कोरोना भाइरसको संक्रमण फैलिँदा दोस्रो चरणको प्रकोपको सामना गर्नु परेको छ । पहिलो चरणको कोरोना प्रकोपलाई करिब नियन्त्रणमा लिएको हङकङ बाहिरबाट आएका यात्रुमा भएको कोरोना संक्रमणबाट थप समस्या परेको छ ।
हङकङमा मंगलबार दिउँसोसम्म ७१४ नयाँ संक्रमित फेला परेका थिए । यसअघिको साता मार्च २५ मा ४०७ कोरोना संक्रमित फेला परेका थिए ।
हङकङबाट बाहिरबाट आएका करिब ५० हजार यात्रुलाई अनिवार्य क्वारेन्टाइनमा बस्न निर्देशन दिइएको मंगबार हङकङकी प्रमुख कार्यकारी क्यारी लामले नियमित ब्रिफिङका क्रममा बताएकी थिइन् ।
त्यसैगरी ९० हजार कोरोना परीक्षण गरिने बताइएको छ । हङकङमा हरेक १० लाखमा १२ हजार कोरोना परीक्षण गरिएको छ । यो विश्वकै उच्चदरको कोरोना परीक्षण भएको स्वास्थ्य सुरक्षा केन्द्रका निर्देशक डा. वाङ का-हिङले बताए ।
हङकङ सरकारले करिब ७० जनाले अनिवार्य क्वारेन्टाइन उल्लंघन गरेको लामले बताइन् । सरकारले क्वारेन्टाइन उल्लंघनमा शून्य-सहनशीलता अपनाइएको प्रमुख कार्यकारी लामले बताइन् ।
क्वारेन्टाइनमा बस्न निर्देशन दिइएकाहरुले नियम उल्लंघन गरेका २५ हजार हङकङ डलर अर्थात तीन हजार २२५ अमेरिकी डलर र ६ महिनाको जेल सजाय गरिने बताइएको छ । -सीएनएन