नयाँदिल्ली । भारतका संघीय मन्त्री मुख्तार अब्बास नक्‍वीले दिल्लीस्थित निजामुद्दीनको तबलिगी जमातले तालिबानी अपराध गरेको आोरोप लगाएका छन् । उनले यस अपराधिक कामलाई माफ गर्न नसकिनेसमेत बताएका छन् ।

उनले तबलिगी जमातले कैयौं मनिसलाई खतरामा पारेको उनको आरोप छ । उनले तबलिगी जमातको आयोजना गर्ने र सरकारको निर्देशन पालना नगर्ने संगठनविरुद्ध कारबाही गर्न माग गरेका छन् । 

मार्च १ देखि १५ सम्म सञ्‍चालन भएको मुस्लिम धार्मिक सभामा करिब दुई हजारभन्दा बढी मानिसको उपस्थिति थियो । जसमा १६ देशसहित भारतमा १९ राज्यका मानिसको उपस्थिति रहेको भारतीय सञ्‍चारमाध्यमहरुले जनाएका छन् ।

उक्त सभामा उपस्थित ६ जनाको तेलंगाना राज्यमा मृत्यु भएको त्यहाँको सरकारले जनाएको छ । त्यसैगरी उक्त सभामा उपस्थित २४ जनालाई कोरोना भएको पुष्टि गरिएको छ । 

करिब एक हजारलाई भारतका विभिन्‍न अस्पतालमा भर्ना गरिएको दिल्लीको स्वास्थ्य मन्त्रालयले जनाएको छ । अन्यको खोजी भइरहेको बताइएको छ । सभामा १९ नेपालीसमेत सहभागी भएको भारतीय सञ्‍चारमाध्यमहरुले जनाएका छन् । -बीबीसी