विदेश
न्युयोर्क । संयुक्त राज्य अमेरिकाको सबैभन्दा बढी कोरोना प्रभावित राज्य न्युयोर्कमा आजसम्म कोरोना संक्रमितको संख्या ७५ हजार पुगेको छ ।
न्युयोर्कका गर्भनर एन्ड्रियु कोमोले राज्यभर कोरोना संक्रमितको संख्या ७५ हजार ७९५ पुगेको जानकारी गराएका छन् ।
जसमध्ये १२ सय न्युयोर्क पुलिस डिपार्टमेन्टका सदस्य रहेको जनाइएको छ । संक्रमितमध्ये १ हजार ४८ जना बर्दीधारी र १४५ जना सादा पोसाकका प्रहरी रहेको जनाइएको छ ।
सो डिपार्टमेन्टका ५ हजार ६ सय ७४ सदस्य अर्थात् १५ प्रतिशत जनशक्ति बिरामी रहेको जनाइएको छ ।
न्युयोर्कमा मंगलबारसम्म एक हजार ५५० कोरोना संक्रमितको मृत्यु भएको छ । गभर्नर कोमोले १० हजार ९२९ संक्रमितलाई अस्पताल भर्ना गरिएको बताएका छन् । - सीएनएन
प्रकाशित मिति: मंगलबार, चैत १८, २०७६ २१:५१
प्रतिक्रिया दिनुहोस्