लन्डन । लन्डन एम्बुलेन्स सर्भिसका प्यारामेडिक्सहरुलाई दिइएका व्यक्तिगत सुरक्षाका किट स्यान्डविच बनाउन उपयुक्त हुने दाबी गरेका छन् । आफ्नो नाम बताउन नचाहने दक्षिण लन्डनका एक चिकित्सकले भने, "कोरोनासँग लड्न सामान्य अप्रोन, ग्लभ्स र मास्क मात्रैले उचित सुरक्षा प्रदान गर्न सक्दैनन् ।"
"मलाई लाग्छ सधैं म सधैं मेरो परिवारलाई पनि भाइरस बोकेर आउँछु," उनले बीबीसीसँग भने । लन्डन एम्बुलेन्स सर्भिसलाई दिइएका व्यक्तिगत सुरक्षा सामग्रीमा पीपीई केवल प्लास्टिकको अप्रोनजस्तो छ, ग्लभ्स र सर्जिकल मास्क मात्र छन् । अधिकांशले यसलाई अस्वीकार गरेका छन् ।
त्यसैगरी सेतो बोइलर सुटको पीपीई, एफएफ३ मास्क र गगल्स कोरोना भाइरसको पुष्टि भएपछि मात्र दिइने भनेर स्टकमा राखिएको बीबीसीले जनाएको छ ।
विश्व स्वास्थ्य संगठन (डब्लूएचओ) ले प्यारामेडिक्सहरुले पनि पूरा शरीर छोपिने गाउन लगाउनुपर्ने बताएको छ । तर, प्यारामेडिक्सलाई बाँडिएका पीपीई केवल स्यान्डविच बनाउने बेला लगाउन उपयुक्त हुने बताएका छन् ।
कोरोना भाइरसका बिरामीसँग पहिलो पटक सम्पर्कमा आउने एम्बुलेन्समा प्यारामडिक्सहरुलाई निकै पातलो प्लास्टिकको पीपीई दिइएको छ । -बीबीसी