वासिङ्टन । अमेरिकी राष्ट्रपति डोनाल्ड ट्रम्पले नोभेल कोरोना भाइरस अर्थात् कोभिड-१९ नियन्त्रणका लागि आगामी ३० दिन निकै महत्त्वपूर्ण हुने बताएका छन् ।
उनले भने, "यस युद्धमाथि विजय प्राप्त गर्द हरेकले भूमिका खेल्नुपर्छ । हरेक नागरिक, हरेक परिवार, हरेक व्यवसायले विभिन्न तरिकाले कोरोना भाइरस नियन्त्रणका लागि भूमिका खेल्नुपर्छ । यो हाम्रो मुलुकका लागि गर्नुपर्ने साझा दायित्व हो । आगामी ३० दिन निकै चुनौतीपूर्ण हुनेछन् ।"
उनले थपे, "र, यी ३० दिन निकै महत्वपूर्ण पनि हुनेछन् । यी ३० दिनमा हामीले कोरोना नियन्त्रण गरेर यथास्थितिमा फर्किनेछौं ।"
राष्ट्रपति ट्रम्पले आइतबार सोसल डिस्टेन्सिङ गाइडलाइनको समयावधि बढाएर अप्रिल ३० सम्म बनाएका थिए । यसअघि इस्टर अर्थात अप्रिल १२ सम्म कोरोना नियन्त्रणमा आइसक्ने बताए पनि थप संक्रमण बढ्दै जाँदा र फाउकी टास्क फोर्सले एकदेखि दुई लाख मानिस मर्ने प्रक्षेपण गरेपछि ट्रम्प सजग भएका हुन् । -सीएनएन