एजेन्सी । चर्चित गीत ‘आई लभ रक एन्ड रोल’ का रचनाकार तथा गायक, लेखक, संगीतकार तथा कलाकार एलन मेरिलको कोरोना संक्रमणकै कारण निधन भएको छ । 

६९ वर्षीय उनको आइतबार न्युयोर्कमा निधन भएको हो । उनको निधनको जानकारी दिँदै मेरिलकी छोरी लोरा मेरिलले सामाजिक संजालमा भावुक स्ट्याटस लेखेकी छिन् ।

“कोरोना भाइरसले आज बिहान मेरो बुबालाई लगे । लग्नुअघि मेरो बुबालाई अन्तिम बिदाइ दिन मलाई २ मिनेट समय दिइयो । उनी शान्त देखिन्थे ।” एलन मेरिल ‘एरोज’ ब्यान्डका सदस्य पनि थिए । (हिन्दुस्तान टाइम्स)