काठमाडौं । नायिका वर्षा शिवाकोटीले कोरोना भाइरसको जोखिम न्युनीकरणका लागि सरकारलाई सहयोग गरेकी छिन् । उनले काेराेना उपचार कोषमा एक लाख रुपैयाँ सहयोग गर्ने घोषणा गरेकी छिन् । 

देश लकडाउन हुँदा दैनिक रोजिरोटी गरेर जीविका चलाउने वर्गलाई सरकारले गर्ने भनेको सहयोगमा आफूले मद्दत गर्न सकियोस् भन्ने उद्देश्यले कोषमा एक लाख रुपैयाँ जम्मा गरेको उनले बताएकी छिन् ।

आफैंले दैनिक खाद्य सामग्री किनेर राहत प्रदान गर्ने इच्छा भए पनि लकडाउनका कारण सम्भव नभएकाले कोषमार्फत सरकारले अभावमा बाँचिरहेकाहरुलाई तत्काल राहत प्रदान गर्ने उनको अपेक्षा छ ।