काठमाडौं । ‘क्वारेन्टाइन अभियान नाट्य महोत्सव २०७६’को दोस्रो दिन आज ‘राजेन्द्रलक्ष्मी’ देखाइँदै छ । चैत ११ गतेदेखि लकडाउनमा बसिरहेका दर्शकलाई क्वारेन्टाइनमै मनोरञ्जन प्रदान गर्न यो नाटक महोत्सवको आयोजना गरिएको हो ।
शुक्रबार मार्च २७ गते विश्व रङ्गमञ्च दिवसको अवसर पारेर महोत्सवको आयोजन गरिएको हो ।
जसमा आयोजक थिएटरमलको फेसबुकपेजबाट हिजोदेखि हरेक दिन साँझ ५ बजे फेसबुक लाइभ गर्दै नाटक देखाउन थालिएको हो ।
आज दोस्रो दिन एस्थेटिक डान्स स्टुडियोको प्रस्तुतीमा नम्रता केसीको परिकल्पना र निर्देशनमा तयार नाटक ‘राजेन्द्रलक्ष्मी’ प्रस्तुत गरिँदैछ ।
क्वारेन्टाइन नाटक महोत्सव थिएटर मल–कीर्तिपुर रङ्मञ्च र थिएटर सेन्टर फर चिल्ड्रेन (टिसीसी नेपाल) ले संयुतmरुपमा आयोजना गरेको हो ।
पहिलो दिन दर्सकको राम्रो प्रतिक्रिया र साथग पाएकोमा आगमी दिनको लागि पनि थप उत्साह र हौसला मिलेको आयोजक टिमले बताएका छन् ।
यो महोत्सव अन्तर्गत हरेक दिन साँझ ५ बजे थिएटर मलको फेसबुक पेज www.b.com/theatremall बाट लाइभ स्ट्रिमिङ हुनेछ ।
कम्तिमा एक साता देखि अनिश्चितकालसम्म जारी रहने यस महोत्सवमा हरेक दिन फरक एकएक वटा नाटक लाइभ स्ट्रिमिङ गरिनेछ ।
साथै नाटक महोत्सव र नाटकबारे सोही पेजमार्फत अन्तरक्रिया पनि निरन्तर हुने आयोजकले जानकारी दिएका छन् ।