एजेन्सी । प्रिमियर लिग क्लब म्यान्चेस्टर युनाइटेड हाल क्लबका मिडफिल्डर पाउल पोग्बासँगको सम्झौता अन्त्य गर्ने सोचमा छन् । 

त्यसका लागि युनाइटेडले पोग्बाको मूल्य पनि तोकिसकेको छ । युनाइटेडलाई हाल क्लबमा एउटा फिनिसर र एउटा स्कोररको खाँचो छ । त्यसैले युनाइटेड पोग्बालाई बेचेर नयाँ खेलाडी अनुबन्धन गर्ने योजनामा छ । 

तर, पोग्बा हाल युनाइटेडका मुख्य खेलाडी हुन् । उनले खेलेका हरेक खेलामा क्लबका लागि उत्कृष्ट प्रदर्शन गर्ने कुरामा कमी भने राखेका छ्रैनन् । एकातर्फ क्लबले उनलाई महत्त्वपूर्ण खेलाडीका रूपमा हेरेको छ भने अर्काेतर्फ बेच्न खोजिरहेको छ । 

पोग्बाबारे युनाइटेडका पूर्वमिडफिल्डर जोनाथन ग्रिनिङले भने युनाइटेडका लागि अहिले उनी आवश्यकता भएको बताएका छन् । साथै उनले पोग्बालाई युनाइटेडले बेच्न नहुने पनि सुझाएका छन् ।

“युनाइटेडले बर्नान्डो फर्नान्डेस र पोग्बालाई सँगै मैदानमा उतार्नुपर्छ । उनीहरूको खेल हेर्ने हो भने पोग्बा माथिल्लो स्तरका खेलाडी हुन् । फर्नान्डेसलाई क्लबमा राखेर पोग्बालाई हटाउन ठीक हुँदैन,” जोनाथनले ग्रान्ड नेसनलसँगको कुराकानीमा भने ।